Ache ha Ayoreo ñembyasy

Posteado por Mirta Martínez el 22-02-2013

Hasy ningo jahai ha ñamombe'u ko'ã mba'e ojehasáva ñane retãme ko'ã ára jahávape, heta mba'e nahesakãi ningo ha oî heta nomomba'éi comunidades indigenas; ñande jaikuaava'erã ha'ekuéra oreko peteî organización propia. Instancia comunitaria ha asamblearia oje'eháicha, oreko iñe'ê , ijepokuaa ha peteî mba'e omopeteî chupekuéra ijyvy ha ika'aguy.

Añepyrûta añe'ê mokõiha arapokõindy peteî guardabosque ojejuka upe 7 jasykõi ohasava'ekuépe táva guasu Kanindejúpe oimehápe Reserva Mbarakaju mombyry Paraguaýgui 375 km rupi. Ko reserva oreko 64.406 hectárea ojeipyso ka'aguy oñeñangarekóva ani haguã ojeity umi yvyramáta oïva ha umi mymbamimi ani ojejuka. Oñemoñe'ê legislación paraguaya ley N° 112/91-pe, oïhápe mymba ha umi yvyra ha ka'avo toñemantene ha toñatende hese umi oïva comunidad aborígen ymaite guive oikóva ipype. Ha ikatu haguã avei oñemantene ha jaikuaa avei Reserva Natural del Bosque Mbaracayú (RNBM) oîha Fundación Moisés Bertoni poguýpe, ONG heñóiva'ekue 1988, oñangareko haguã ko Reserva rehe. Upéicha avei ary 2000, oñemomba'e guasu ha oike “Reserva de la Biosfera” 16º Sesión del Consejo Internacional de la Unesco, siendo la primera en esta categoría en Paraguay ha internacionalmente la RNBM reúne las condiciones de una categoría II como Parque Nacional de la Unión Internacional para la Conservación de la Naturaleza (UICN). http://www.mbertoni.org.py/v1/comunicado-de-la-fundacion-moises-bertoni/

Upévare ko'ágã ahai mbykymi chemandu'ávo ko Ache omba'apova'ekue nda'areiete guardabosque ramo ko Reserva-pe. Ojuhu mba'e ohayhúva haéva ijyvy ha upévape omba'apo honradamente, oî ningo heta he'íva umi Indigena ha'eha haragan, ha oñeme'erërõ chupekuéra tembiapo katuete lo mitã ome'ëva chupekuéra tembiguái ramo. Bruno Chevugi ohechauka omba'apóvo tekopotïme ha ogueraháva hógape “el pan de cada día, dignamente”. Omano ko ka'aguýpe umi kuimba'e omba'apóva ka'ípe ha pokarême ojuka ichupe ..!!! Upéicha ñanemandu'ávo ko kuimba'e hi'anga potïva Bruno Chevugi opyta mandu'ára ikatu ja'e hese “ Peteî ohayhukuaáva'ekue ka'aguy Mbarakaju, ha'e peteï Ache, peteî comunidad hetaite oiko'asýva ha ojekuaa ningo heta omanova'ekue hikuái ha tembiguái ramo heta jey ojeguereko raka'e chupekuéra, ko táva guive oñemoakãrapu'ãn ha oguata jey tenonde gotyo ohóvo hikuái. http://www.abc.com.py/nacionales/piden-fecha-especial-para-recordar-a-guardabosques-537613.html.

 Región Occidental gotyo ko'ápe avei umi tapicha ojaho'i avei ñembyasy péva ko árape n oguahë Ayoreo de Cuyabia-pegua oikóva Mariscal Estigarribia, Boquerón gotyo, oñevende chuguikuéra upe yvy ha'ekuéra oikóha ha péva ha'ekuéra oikuaauka Indi ojapóha peteî transferencia ilegal upe noviembre 2012 ohasava'ekuépe. Ko'ágã jey jahechakuaa ndaipóriha consideración hesekuéra , ojeipe'a chuguikuéra ijyvy, ijepokuaa, ha oî ojeaprovecháva situación ohasáva ha hemikotevê. http://www.abc.com.py/nacionales/desmontan-territorio-indigena-541589.html

 Aipotánte mburuvichakuéra tojepytasomína hesekuéra ha tomomba'e yvy orekóva, imbovýma ningo hikuái. Avei iporã jaikuaa umi avakuéra oñemoarandúma avei ha heta oî oñembosako'íva ha oñemoarandu odefende haguã itáva ha ijyvy. Ndaha'evéima ikatúha oñembotavy chupekuéra.

Pe moñe'êmi ha pehecha ko video ofilmava'ekue peteî mitãrusu ayoreo. Pehechami ha pemoñe'ë marandu ha peje pene remiandu. 

 

 

Reportar error

Enviar a un amigo

 

Estimado lector

Esta funcionalidad estará disponible a partir del lanzamiento oficial del nuevo sitio de ABC Color.
Gracias por su comprensión.

Reloj animado Estimado lector, la página se refrescará en Cancelar