Oñembotýrõ ABC Color

Posteado por Mirta Martínez el 25-08-2017

/ Archivo ABC Color

Oguahëvo ára 22 Jasyapy ABC COLOR ogueromandu'a 31 ary oñembotyhague ha péva dictadura stronista oity tukumbo ko kuatiahai mba'apoháre, ha hekope'ÿ oheja jurujáipe kuña ha kuimba'e mitãrusu, mitãkuña mba'apoháre ha heta hapykuéri familia opyta rei ha ñemondýipe, ndaipóri poriahuvereko yvypóra rekovére. Upéicha omombe'u ijehaipe José Luis De Tone ha romoguah[e peême ikatúmi haguã pemoñe'ë avei ha peikuaa ha péicja jaikuaa oñondive mba'éichaitépa upe relatorio oiko.

-- Medida ombotýva diario aikuaa miércoles pyhare ( 22 de marzo 1984 jave) upéicha aime jave peteî espectáculo mimo "El silencio tiene la palabra" oha'ãva ñoha'ãngápe peruano Jorge Acuña confitería Imagen.
Omohu'ãvo representación ahasa redacción rupive amoañetévo medida ha amoirüvo Christian Torres omoañete chéve ikatúha oñemboty.

Ko'ê jave, aha che rembiapo jepiguáicha che área ha upéi aime peteî aty ñomongeta omyakãva doctor Rufo Medina ha Gerónimo Angulo Gastón, omombe'u hikuái chéve ikatúha oñemboty pyhareve 10 aravo jave secretaría ha ndojekuaái araka'e pevépa oñembotýta.

Oñeñandu diario ryepýpe oúha ára vai oiporotyvyrótava hi'aguïmaha. Oñeñandúm,a opavave róvare ñembyasy ha ñakãity.

Umi fotógrafo diario ha ambue medio informativo independiente oha'ãrõ korasõ perérepe desenlace.

Oguahëvo 10:30, arapytuho imbaretéve, ipohýi. Che irünguéra oñeñandu py'atarara.

Roñomongeta jave por teléfono peteî tapicha ndive orerenói roho haguã peteî recital, ha maymáva oñani redacción-me. Umi fotógrafos de planta ha ambue medio informativo-gua oñani ha oho ovetã meve oïva calle Yegros gotyo. Oguahëma Policía ha peteî carro de Bomberos.

Teléfono-pe noñehenduporãiete he'íva nahesakãiete, ojerúre ñyrõ che interlocutor-pe. Ha'éma oñemoañetéha medida oñemboty haguã ha amboguejy che teléfono aikytÏ. Aha dirección peve( director oiméma preso) umi jefe omoañete oguahêha peteî orden de clausura por tiempo indeterminado.

Ojegueromandu'a 31 ary la dictadura omboty ABC Color

Oñehendu sirena periódico-pegua ipu hatã ñembyasýpe, ipu jey jey ohóvo okirirï mbeguekatu ohóvo, ou peve karai administrador Angel Arias he'i suficientema. Andu avave ndaipu'akáiva oñeñandu ha ojeipyso ohóvo.

Oñemoañetévo oñembotýha, oguahë ha añeakãngeta as[e haguã okápe ha apurahéi haguã Himno Nacional. Péva añoite rupive ikatu ahechauka che ñembyasy upe jave ndachepu'akái pe injusticia oñeme'êva rehe. Ha'e che jupe "por lo menos entonando purahéirõ estrofas "Ni opresores ni siervos alientan/ donde reinan unión e igualdad" ikatúta añeñandu ha ipiro'y che ñe'ã.

Oguahëvo 11:05 aravo. Ropurahéi tuguy pochýpe ha ropurahéi hatã ome'ê peve ore ahy'o. Cgepir^mba ha che rasê, che resáy osyry, añandu tasême amyengoviáha velorioicha. Ha ABC nomanóiha sino imbarete vevúimi ohóvo jey opu¿'ã haguã upéi.

Oñeñandu INDIGNACIÓN opavavére

Ropurahéi "Patria querida", imbaretéve ha chemoirû ohóvo che irûnguéra omba'apóva avei diario-pe, avei umi ohaáva opyta ha ore moiürû ha péicha oreretáve rohóvo, ojeipytyso ha oîma ojepopetéva, ou mboyve umi Policía, silbato ha cachiporra-pe, oremosarambíma ha mayma oîva ore apytépe. Upépe oike oiporu opáichavo imbaretekue ha oikéma katu diario ryepýpe.

Jepénte upéva ojehu ore ropurahéi Himno ha peteî policía jerarquía ijyvatéva che jagarra che jyvágui ha chegueraha ka'irãme. Amonéî kirirîetehápe ha umi gente oîva osapukái hi'angajoja omoguahê hikuái ha péva chemboguerovu che mba'apoháre ajapóha.

Upéicha avei upe momento vehículo policial oenfila calle Yegros rehe, peteî mitãrusu oñani ijykére ha osapukái ijahy'osoro peve: "¡ABC, Paraguay oime nendive, adelante!"

Camioneta policial oike Comisaría Tercera peve, calle Nuestra Señora de la Asunción rupi. Ahechakuaa mba'éichapa inervioso umi policía oñondive. Maymáva oñani.

Che gueraha hikuái salón de guardia umi oficialkuéra oimehápe. Upérõ 11:30 aravo. Peteî oficial, peteî kuatia morotî ipópe ndorekói membrete, oñepyrû ohai ha oporandu chéve che rekoverembiasakue. Oporandu: ¿Mba'épa agueraha che mochila-pe,ch{epa akubri sector político, mba'ére oñe'ê umi jehai oîva che vokõpe, upépe ha'é chupe ¿Mba'ere piko? ha upépe "sarambíma ajapo" diario rovái, Máva ha mávapa oime chendive...

Ambohovái mboyve porandu paha ohenói ko oficial-pe ha upéte guive aguapy apykápe ha anpu'ãvéi. Ome'ê hikuái tembi'u asaje 13:10 jave, ogueru y ro'ysã avei. Aguapy ahendu opáichagua ñe'ê pe oikóva rehe upe árape. Mokõi kuñakarai avei oime demorada salón kakuaápe, ndoikuaáinga mba'ére oime ka'irãime.

Apirakutu sapy'ami. Añepropone ani aike conjetura-pe, tañetrankilisa ha taha'ãrõ desenlace. Peteî kuñakarai detenida omombe'u ch{eve ka'aruete oime hague doctor (Gerónimo) Angulo (Gastón ndive, asesor jurídico del diario) ha peteî kuimba'e akãrague sa'yju, osê ha oike jey. Ha'e oikuaa don Angulo-pe peteî pariente rupive.

Oguahêvo pyhare 20:30 aravo ogueru hikuái peteî kochô perõ oñeno haguã. Añemoakuruchî peteî esquina-pe. Ko'êmbotávo cinco aravo jave he'i hikuái chéve apu'ã haguã. Una hora rire ogueru hikuái desayuno, ha'éva peteî soyo. Arambi jey aguapyhápe añemoakã aramboha escritorio peteîre. Oguahê pyhareve asaje las ocho rupi. Ajerúre peteî diario ha ogueru hikuái diario Patria.

Upéi ou ambue oficial, ogueru diario Hoy, ha chetyvyro añandu indignante ko kuatiahaipyre ( titular he'i: "Nomokirirïri peteî prensa, sino pe marandu omboguata vaíha veracidad informativa").

Akirirîmi sapy'ami ha upéi aporandu ikatúpa ahasa ajahu ducha-pe. Aik{evo añemopotï haguã, oikuaauka chéve che mbohupa oúha doctor Angulo. Chegueraha comisario rendápe. Ohustifika che detención. He'i ha'e ohecha aha'ãha chupekuéra. Omoî che akãre ha'eha upe manifestación cabecilla.

Karai Angulo orraspea chupe, péva oprometégui opóitaha chehegui ha ndopóiri chehegui.

Pyhareve 10:00 aravo jave upe 23 de marzo, opói chehegui omombe'u José Luis De Tone.

Lea en español

 

Reportar error

Enviar a un amigo