14 de Julio de 2009

| ESPECIAL DE VACACIONES

Mombe’urã

Ko arapytu’u mbykymíme emoñe’êmi ko mombe’urã ymaiteguive oñemombe’úva ha ñande ypykuéra oipurumiva’erã omongyhyje hagua umi mitã iñakãhataitévape… Ko’ága ndaiporivéima mitã okyhyjéva ha katu iporãnte ñañomomandu’a ko mombe’urã ymaguarére.

/ ABC Color

Mitã rerahaha
Ku tapitícha isaraki, omomýi hesa, ijuru, opo, oguata, opuka, osapukái. Máva? Ha Aníta, mitãkuña’i oporohayhukuaáva ha ojehayhúva.

Ha’e oiko isy, itúa ha itykérandi, oga’i morotî guýpe, mborayhu apytépe. Opa mba’e oî porãmba, peteî py’apýnte omyangekói Aníta rogayguápe, ha’e sapy’a py’a ho’umanteva’erã yvy ojo’ovakue ogykégui.

Opáichagua pohã oje’uka chupe, tukumbo jepeve ojeipuru hese pohãicharõ, mba’eve noñemyatyrõi, akóinte kañyhápe ikuãme oipe’o ogyke ha ijurúpema yvy oguahê. Peteî pyhare, jasy tuichave jave oñehendu óga renondépe ojepopetéva, tykéra ha Aníta ha’eñomi jave hikuái. Tykéra opu’ã ohecha mávapa ou ha Aníta henonderãma opopo’i oho.

Okême peteî tuja’i kandu, vosami ijapére oñembo’yhína ha oguahênguévo tykéra oñomomaitei hikuái. Karai, oñeporandúvo chupe hemikotevê, he’i:
- Añete piko oiko ápe peteî mitã ho’úva yvy?

Tykéra ombohovái:
Héê, upéicha hína, mba’ére piko eporandu.

Ha aju niko agueraha hagua chupe ko vosápe, che ambyatypa chendive peichagua mitã. Aníta ohendúvo upéva ka’ícha opo ityke’ýra ku’áre ha ijajúrare ysypóicha mokõi jyva ombohasa.

Néi karai, eguahê hendaitépe, ko che kypy’y ho’u yvy ha ikatúntema egueraha.

He’ipávo upéva tykéra, Aníta tasê ryapúpe oikarãi, oisu’u, opyvoi tykérare, ha mba’eichaverõ avave ndaipu’akái hese.

Tujami ojere oho ha upe guive Aníta ndo’uvéi yvy.
María Eva Mansfeld rembiapokue.

Mba’épa ere ko mombe’urãme… Ikatúnepa jaipuru ñande avei ñamonguera hagua mitã lája vaípe… Japukami haguánte… Naiporãi ñaporomongyhyje.

  • ¿Querés recibir las noticias nacionales e internacionales más importantes?
    Enviá ABC al 22292 desde tu Tigo, Personal o Vox.

COMENTARIOS

Inicie Sesión o Regístrese para comentar.

- ABC Digital no se hace responsable por los comentarios generados o publicados por lectores.
- Los usuarios que utilicen datos falsos en los registros de ABC Digital serán bloqueados.
- Se anularán las cuentas de personas que utilizan este sitio para ofender, insultar, agraviar o publicar groserías. Los comentarios considerados inapropiados serán borrados.
- Los usuarios con más de tres reportes de abuso serán dados de baja.

 

Reportar error

Reportar comentario

Enviar a un amigo

 

Estimado lector

Esta funcionalidad estará disponible a partir del lanzamiento oficial del nuevo sitio de ABC Color.
Gracias por su comprensión.

Reloj animado Estimado lector, la página se refrescará en Cancelar