Ñemombe’u

1.Emoñe’ẽmína.

Kurusu Ára

(Ohai David Galeano Olivera)

3 jasypo ojegueromandu’a ymaite guive Kurusu Ára, Cristiano-kuéra apytépe ha omombe’úva Constantino, Roma ruvicha, rembihasakue. Upéro ndaje, ysyry Danubio rembe’ýpe, Roma-ygua guarinikuéra oñorãirõtakuri Bárbaro-kuéra ndive. Roma-ygua niko imbovy hikuái ha upevakuére ndojeroviaguasúi ipu’akáre. Upe pyharépe jeko Constantino oñeno, oke ha iképe ohecha peteĩ kurusu ojajái ha omimbíva ha hese he’iva «ko ta’ãnga reheve ndepu’akáta». Upehague ko’ẽme, opáyvo Constantino, ojapouka peteĩ kurusu omohendáva Romano-kuéra renondépe; ha -añetehápe- heseve Romano-kuéra ipu’aka ha oñemotenonde hikuái Bárbaro-kuéra rehe. Ko mba’e guasuete ojehu rire, Constantino oñemongaraika ha oiko ichugui Cristiano ha omopu’ãuka heta Tupão hetãme. Uperire, omondo isy, Elena Marangatu, Jerusalén-me ohekávo Jesucristo kurusu. Elena Marangatu ojuhúkuri upépe umi mbohapy kurusu ha oikuaa hag̃ua mávapa upe Jesucristo mba’ekue omoĩuka peteĩ mitãrusu omanóva retekue mokõivéva ári ha ndojehúi mba’éve; ha oñemoñenóvo upe kurusu mbohapyha ári, upe mitãrusu oikovejey. Upe mba’e guasuete ojehúkuri peteĩ ára 3 jasypo, upe guive opytáva kurusu árarõ.

Ojeguenohẽ: https://bit.ly/2ZhScxi

Ñemombe'u térã tembihasakue ombohováiva'erã:

Mávapa

Mba'épa

Moõpa

Araka'épa