Ysapu Paraguái Ára

1. Jajesarekomína ta’angáre ha ñamombe’u jahecháva.

2. Ñambohovaimi ko’ã ñeporandu.

. Mba’épa pe pehecháva?

. Mba’épa peikuaa ko’ã tapichágui?

. Pehendúva hembiapokue, mba’e apohápa hikuái?

. Mba’épa peikuaaséve térã peikuave ko’ã mba’égui?

. Mba’éichagua música ñahenduséve, mba’ére?

. Mba’éichapa oñemohendáne ñane retã puraheikuéra?

. Oĩpa músico térã grupo musical ñane retãmegua jahecharamóva?

Jaikuaami haguã

Varaha ra’ãha avei hei iñirũme areko arpa sã (upévahina he’ise oguerekoha 32 puntos). Kóa rupi arpa 36 isã, upéva ohechauka arpa oñemoambueha ohóvo (oñe-perfecciona).

Maravichu, maravichu mba’emotepa

Peteĩ mula castaña 32 irriéndava.

(Arpa)

3. Ñamoñe’ẽmi.

Ojehero instrumentos típicos umi ojeipuruvéva peteĩ tetãme terã távape. Ñane retãme oĩ mokõi, arpa ha mbaraka. Arpa niko instrumento itujavéva he’i oñeñe’ẽma hese Bibliapevoi. Oje’e ogueruhague españolkuéra oúrõ guare Amérikape, Karai Sebastian Gaboto ndive ary 1526 pe ou peteĩ arpa mbopuha.

Paraguáipe ysapu oñemohenda péicha:

1. Ysapu Popular. Ojejapo yvyraitégui oguereko afinacion diatónica oje'eha (sietes sonidos) ha isã ikatu 36, 41 ha ambue.

Oje’e ñande ypykuéra ohecharamoiterei hague arpa ha ára ha ára oĩ hetave ombopukuaáva ohóvo ko instrumento musical porãite.

2. Ysapu ojeipuruva conciertorã. Ha’e umi pokõi ipedálva, peteĩ teĩ umi nota musical pe guarã.

Oguereko escala cromática (12 sonidos), ojejapo avei yvyrágui ha oñemoĩ hese pokã pokã, bronce, plata , terá oro avei.

Hetave isã arpa popular gui, oiporu orquesta sinfónica pe ombopúva.

Ñane retãmegua arpistakuéra ymáguare apytépe oĩ Lolo Arpéro, José Dolores, Fernández – Felix Fernández túa, Arroyos y Estereos-gua.

4. Ñamba’apomi moñe’ẽrãre.

Jahaimi mba’éichapa térã mba’épepa ojoavy arpakuéra.