Ko arapoty, oñembojojáva tekove pyahúre ha juventud rehe, oguahêvo iporãne ñamañami mba'éichapa jahecha ñane mitãrusu ha kuñañataînguéra. Péva jahechávo ñane retãme ojehu mokõi mba'e, ohóva oñondive, ojuehe ramo guáicha, ha katu avei ndo'áiva oujehe. Mba'éicha péva? Hetaiteve ningo ñane retãme umi tapicha imitãva, ha katu sa'iete oguereko representación ha peso umi oikohápe decisión política.
Umi partido político yma ndaha'éi omomba'e páva pe clase joven oje'eha. Péva añete; ha mayma katu mitã pyahu okakua, oñemoarandu ha omba'apóva ñande Parahuái-pe oguereko tuicháva compromiso ko yvy ndive, oikove ha ojapo hápe ohóvo tape pyahu iporãvéva oipykúi haguã tenonderã.
Ñane mitã pyahu kuéra ndojuhumo'ãi imbaretevéva protagonismo ha participación taha'e política terã administratión-pe ojerure haguérente; tekotevê omoirû péva ambue mba'épe: ohechuka va'erã omerece-ha umi derecho ojeruréva. Ha pevarã oñembyesako'i va'erã estudio rupive, oñeha'ã va'erã, oguereko va'erã disciplina ha avei tekopotî.