Pe asesor jurídico Vicepresidencia-pegua, Santiago dos Santos, ojerure Consejo de Superintendencia de Justicia-pe, sapy'a ramo guarã tosuspende pya'epyre pe matrícula abogado Arnaldo Gaona Brítez mba'e. Péva ndaje Gaona omombe'u haguére Presidente de la República-pe Juan Afara gua'u ojapo haguére heta delito ha avei ojerure haguére toñembohasa umi antecedente Cámara de Diputados-pe oñepyrû haguã juicio político. Gaona Brítez ndaje oho voi Embajada del Brasil-pe ra'e pytyvõ reka.
Ojapóva pe asesor jurídico ohechuka ndoikuaaiha pe Acordada onohê va'ekue Corte Suprema ha oñe'êva pe sistema disciplinario oîva Poder Judicial-pe rehe, ha ohechauka avei karai Vicepresidente de la República ndoikuaáiha tavaygua oguerekoha derecho omba'ejerurévo mburuvicha kuérape ha avei ikatu oho ñe'ê ambue tetã embajada-pe.
Ndaipýi ha naiñakãi pe mba'e ojejeruréva; ha'ete ku omboyke´sénteva peteî juicio-gui pe abogado-pe, ha avei oipota tenonderã okyhyjéma ambue tapicha omombe'u haguã Vicepresidente rembaipo vai.