ABC REMIANDU

Mba'e ky'a intendente-kuéra ojapóva'ekue osë ohóvo

Heta mba'e ohasáva ha oikóva ohechauka oïha sarambi ho'ávo pe mbo'ehao Lambaré, ha ohechauka ñembyasýpe tembiapo vai oikóva tape oïva Luque gotyo, mba'e ky'a, ytyryru ha sarambi opáichagua ojehasáva San Lorenzo ha Fernando de la Mora tránsito ndosyryrýiva hekoitépe,  opáichagua  py'aro ha ñe'ë vai oñeñandu ha ojehecha ohasáva tavayguakuéra ha municipalidad Mariano Roque Alonso, Limpio, Ñemby  ha oïva ko'ã tenda jerére tavaguasúpe mba'éve ndojapói, ojehecha ha ndojegueroviái pe tajasu oïva Arnaldo Samaniego Paraguaýpe, péva poha ary ohóvape ndikatúi opu'ã ni noñemoambuéi, ndaipóri ningo ni peteî mba'e porã ha pirapire hetaiterei ojeporúva umi mba'epe guarã,  oï ñeporandu heñóiva: ¿mba'éichapa piko umi gente ohasa asýva oñepyrü jey oipytyvõ chupekuéra? pe itendotarã jey? Ko'ã mba'e ogueru niko pokarë ha tembiapo ky'a ha ohypýi umi político-kuérape ha péva niko ciudadanía añoite ikatu omboguevi térã oity aníve haguã oipyhy jey administración pública.

Avavépe ndoikéi ko'ã mba'e ha noñepenái ha osegui jey ko'ã sinvergüenza ivevúi ha ipya'éva umi mba'erã. 

Enlance copiado
Cargando ...