Presidente venezolano, Nicolás Maduro, odenuncsia ko martes peteÍ helicóptero policial guive ojepóiha mokõi granada upe máxima corte ári Caracas-pe, ojehu ogueroviágui ha'eha peteï “ataque terrorista”, oikuaauka agencia AFP.
“Fuerza Armada oïva activado oñedefende haguã Ataque upe asamblea ohekáva py'aguapy.
Pya'e ndaipukumo'ãi rojagarra haguã pe helicóptero ha umi ojapóva ko mba'e vaiete ha'éva ko ataque terrorista” , omojoapy iñe'ëme mburuvicha Maduro peteï aty oïvahina Periosita ár rehe ko Palacio Presidencial Miraflores-pe.
Unite al canal de ABC en WhatsApp
Diputado-kuéra Oñemongorapaite
ABC Cardinal ohenói ha oñomongeta diputada venezolana Olivia Lozano ndive, ko aravo jave oïva privada kairãicha Asamblea Nacional ryepýpe amandaje guasúpe, he'i umi representante oïha hikuái kuri sesion oikóva martes katuete, ooime jave paramilitar-kuéra ikoráva ohapejokóvo ani osë hikuái okápe.
He'i avei oïha periodista-kuéra ñembotýpe Asamblea Nacional amandaje guasúpe, ha ombotove ojepóiha hesekuéra gases lacrimógenos.
KO'ã aravópe, diputado ha periodista-kuéra osëva ha oïva asediado oime hikuái Asamblea mbytépe ha avei oime contingente Guardia Nacional.
Omombe'u representante oiméva ha oñeha'ãva ojerúre oñemyesakã chupekuéra mba'epa ko ojehúva, ha umíva ojahéi hesekuéra ha'eva umi Guardia Nacional Bolivariana.
Olivia Lozano omombe'u ko'ágã oïha upépe ha ndikatúi osë ha oiméha hikuái tuicha peligro-pe, tape rehe oïha barricada ha opavave pueblogua oime chákepe ha péicha avei cuerpo paramilitar-kuéra.
Diputada imandu'a Nicolás Maduro he'i ndaipóri ramo solución upe conflicto voto ndive, “omohu'ãta mbokape”.