YUTY, Caazapá. Umi suboficial Miguel ha Ángel Vera, concejal departamental Benjamín Adaro Monzón ñangarekoha, ndaje oikuaa ra'e ojejukata hague tapicha comerciante Pedro Casco Ferreira, omombe'u mokoî tapicha ojejagarra vaekue ojepohague ramo mba'evai.
Tapicha Casco Ferreira ojejuka upe Lunes Santo ojejapi rire chupe 5 tiro pistola guive, ha ndaje ha'e ra'e tapicha Luis Javier Ayala Fernández (19 ary), ojapo vaekue upéicha; ha kuehe pyhareve ojagarra chupe hikuía hógape oîva táva Carlos Antonio López, departamento de Itapúa-pe. Avei ojejagarra umi hendive oî vaekue, mitâ F.D.B., 16 ary, ha Víctor Javier Danieli Arce (21 ary), avei Itapúa pegua. Ko'â ho'a vaekue policía poguýpe omombe'u ojapo hague mba'e vai, ha ndaje ohepyme'ê chupe kuéra ojuka haguâ Casco Ferreira-pe, mokoî suboficial. Avei, Ayala Fernández ome'ê umi investigador kuérape peteî moto oipuru vaekue hikuái okañy haguâ oporojuka rire, ha ohóvaekue oñongatu hikuái peteî ka'aguýpe.