Ministerio Público omoî kuehe imputación umi irundy karia'y ho'a va'ekue detenido oime haguére sindicado secuestro jejapópe. Pe mba'e oiko kuri táva Pedro Juan Caballero-pe: peteî mitã 11 ary ojeguereha hague ijabuelo rógagui pe arateî (domingo) ohasa va'ekue ha ojejuhujey pe araapy (martes) Policía jeporeka rupive.
Umi mitãrusu ha'e Marco Antonio Echeverría Figueredo (23 ary), Sirilo Brítez Benítez (18), Héctor Daniel Mereles Espínola (18) ha Claudio Ferreira (24), oimputáva fiskal Joel Cazal aipo privación de libertad, secuestro, robo agravado, extorsión ha asociación criminal rehe. Péicha héra umi mba'evai oñembojáva hesekuéra.