/arc-anglerfish-arc2-prod-abccolor.s3.amazonaws.com/public/5U4676AUUFGHRGROEWX27OJS5E.jpg)
Tapicha indignado ojeheróva oñembyaty Coordinadora de Abogados del Paraguay ñehenõi rupive oñembyaty kuehe Fiscalía de Delitos Económicos róga rovái, táva guasu Paraguaýpe, ojerure haguã toñeimputa contralor general Óscar Velázquez Gadea ha “secretaria vip” oje'eha, Liz Paola Duarte. “Ñandekueraipáma Fiscalía omo'ã haguére corrupto-kuérape”, he'i abogada Kattya González, omyakãva pe aty omongu'éva ko tembiapo.
Ojehechauka trapo-gui ijapopyre muñeco, karai contralor ha Liz Paola ra'ãnga reheve. Ko'ãva ojehapýta kuri, ha katu péva ipahápe ndojejapói, ha manifestante-kuéra ohenduka hemaindu “micrófono abierto” rupive ohechaukávo naiporãiha Ministerio Público rembiapo.