/arc-anglerfish-arc2-prod-abccolor.s3.amazonaws.com/public/XDQTS66L7RADXDXO677DGIEYMI.jpg)
Cargando...
Ñane ñe’ẽ guaraníme ikatu avei jajapo marandu opaite mba’e rehegua. Tekotevẽma umi afiche oñemoĩva oparupiete, ohechauka ñane ñe’ẽkoĩha. Upeva’erã tembimbo’eháicha, jajapokuaa ñepyrũma ko mba’e.
Moõpa jahecha ko’ãichagua ta’ãnga ñe’ẽ. Ñamoñe’ẽmi ha jahecha he’íva.
Afíchepe ikatu ñamoĩ opáichagua marandu
-Marandu tekombo’erã
- Marandu ñemũkuaaukapy
- Marandu ñepepirũrã
Jahahápe jahecha, umi letrero tuichaicháva oikuave’ẽva mba’erepy.
Jahecha jave téle, ñamoñe’ẽvo diario, revista, jahecha avei umi ta’ãnga ñe’ẽ oikuave’ẽva opáichagua mba’e. Umi oikuave’ẽva guive mba’erepyhína marandu ñemukuaaukapy.
Ñe’ẽndy
Afiche: Cartel
Marandu: Anuncio - aviso, noticia
Ñemũkuaaukapy: Anuncio publicitario - Publicidad comercial
Tekombo’e: Enseñanza, educación
Ta’ãnga ñe’ẽ : Imagen sugerente
Ñepepirũ : Invitación
Ñamoñe’ẽmi ko’ã afiche oguerekóva marandu.
1- Marandu ñemukuaaukapy ñemuha megua. Ko’ãva oikuave’ẽ ha ohepyme’ẽ taha’e ha’éva: yva, ao, kochõ, tembiporu, mba’yruguata, óga, pohã ha ikatúva guive. Ko afiche koa rehegua ikatu ndoguerekói ára ha aravo.
Ñañemomandu’ami
Afiche ogueraháva’erã ta’ãnga, sa’y ha jehaipyre ohechaukáva mba’épa oje’ese, ojeikuaaukase térã ojehekombo’ese.
2. Marandu tekombo’erã. Umíva hína oñemoñe’ẽva mba’eporã apo rekávo.
3. Marandu ñepepirũrã. Afiche oguerekóva ñepepirũ.