Ko pyharevete oguahêta ñane retãme, peteî visita oficial-rã, pe canciller argentino Héctor Timerman, ha oñemombe'u ndouiha oñe'ê haguã Yacyretá rehe. Péva peteî insulto mayma tetãgua inteligencia-pe, ha ivaivéva: kóva peteî maniobra ombotapykue haguã pe ñomongeta jahechápa noñemoîri hekópe (Paraguái ojerure háicha) areterei rire umi cuenta jaguerekóva pe “monumento a la corrupción”-pe.
Pe tembiapo guasu Yacyretá, techaramomby oikóva'ekue ingeniería rupive, tuicha estafa omokañýva ra'e, ha ohasa rire 40 ary pe Tratado ojehaihague ha 20 ary ome'ê hague energía, péina ko'ágã ombojo'a deuda aipo US$ 14.000 millon voi!
Karai presidente Cartes gobierno ojepytaso mbarete ha ndoguevíri va'erã hemiandu ha ijerurépe oñepyrûvo ñemongeta Argentina ndive: tenonderãite oñemohesakã va'erãpe ilegal deuda oñembojáva Yacyretá rehe, ha Paraguay ndohejái va'erã oñemoî peteî ladrillo jepe río Paraná-me oñemohenda porã mboyve umi kuatia Yacyretá rehegua.