Ñane mba’e teete (2)

25 jasypoapy ningo ñaromandu’a ñane Ñe’ẽ Guaraní Ára. Péva oñemohendava’ekue péicha ary 1967 Léi Guasu ojejaporamo guare. Upéguive akóinte ñamomorã oguãhẽvove. Ary 1992-pe Léi Guasu pyahu omoinge ñe’ẽ teete ramo ha ombojoja castellánore, oiko avei chugui lengua oficial. Ary ohasava’ekue, 2010-pe, tendotakuéra oĩva Parlaménto-pe ojapo léi ñe’ẽ rehegua, Ley de Lenguas 4251/10. Paraguái retã ha Guarani ñe’ẽ niko peteĩnte. Ndaikatumo’ãi ñaikũmby Paraguái retã rembiasa Guarani’ỹre. Ñañe Guarani Ñe’ẽ Árare jaikuaavéta umi ñane mba’e teetéva rehegua.