He'iháicha pe léi, Ministerio Público ndaikatúi oho delito de evasión de impuestos ári umi autoridad administrativa onohê mboyve resolución ha oguahê mboyve hu'ãme umi recurso procesal ordinario, oime ramo ra'e pe resolución ojeataka Tribunal de Cuentas-pe.
Peteî proyecto de ley ombyesako'íva Poder Ejecutivo oipota pe persecución penal omoñepyrû fiscal general del Estado ohasa'ÿre pe prejudicialidad administrativa hérava. Péva oiko ramo, opytáta ijyképe Subsecretaría de Estado de Tributación (SET), ha Ministerio Público pe he'ítava mbovýpa ohupity pe obligación tributaria. Péva ojapóramo mante -ndaha'éiva hembiapo- pe ñane representante ambue órgano jurisdiccional del Estado renonde ikatúta oikuaa oîpa delito de evasión de impuesto. ¿Mba'éicha oikuaáta fiscal general del Estado oîha “déficit” ha'etevoi ndohecháiramo mbovýpa opaga va'erã kuri pe contribuyente?