Ko empresario Darío Messer, ta'ýra Dans Wolf Messer ha Juan Pablo Jiménez Viveros (kóva presidente Horacio Cartes primo oguenohêsemo'ã va'ekue 2.000 millon guarani peteî cuenta BNF-gui) oñehenõi ko'êramo pyhareve guarã.
Ministerio Público oguenohê ko'ã mbohapyve kuimba'e akãre orden de detención ha avei jerure prisión preventiva-rã. Ko'ágã peve noñemoîri gueteri justicia poguýpe, ha ndohói ramo audiencia-rã ko'érõ, Otazú ojeruréva'erã captura ko'ã imputado rehe ha odeclara va'erã chupekuéra “en rebeldía”.
Péva oiko ramo, umi plazo procesal ojejokopa. Peteîete pe tapicha oñepresenta va'ekue ko'ágã peve, ha opyta arresto domiciliario-pe: péva ha'e Adolfo Granada Cubilla. Ko 23 de mayo oúvape guarã oime citado pe cinco-ha imputado, pe brasilero hérava Ilan Grinspun.