Tava Itape ojealista oguahêvo peregrino-kuéra víspera solemne jave ha oñembotývo novenario oguerohorývo Tupãsy del Paso orekóva tema: “Hetavéva ohendúva Kirito ñe’ê ha omoañetéva”.
Tembiapo 17:00 aravo jave peregrinación omoirûva Tupãsy microcentro tavaguasu santuario natural, ohasáva río Tevikuarymí, osegíva umi acto penitencial, confesión ha letanía protectora espiritual-pe.
Oguahêvo 00:00 oñemotenondéva serenata Tupãsy Paso oñeñembo’évo Ángelus.
Ñembo’e Tupãsy Paso oñepyrû 9 jasypakõi ohasávape ha oñemohu’ã misa central Inmaculada Tupãsy Paso Itape, omyakãva obispo Diócesis Villarrica, Mons. Adalberto Martínez Flores, ko’êbotávo 6:30 aravo jave.
Oñemotenondéta peregrinación sagrada imagen santuario korapýre ha río Tebikuarymíme, oikóva tradicional procesión náutica omoirûva Asociación Canoeros ko tavaguasúpe.
Tembiasakue
Oñemomba’eguasu Tupãsy Itape ha péva oñepyrûva’ekue " Tupãsy Ka’akupe ra’anga ary 1954 jave opyta raka’e heta ára ko komunidad-pe oúgui ára vai yvytu atã reheve ha tape vaígui ndikatúi oñesê upe táva’ígui umi árape, upévare umi peregrino ohóva karavana-pe ogueraháva ko ta’anga opyta hikuái upe ysyry akãme opyta opytu’u hikuái ha upéi oiporu Tevyikuarymi ikatu haguã oho upérupi oguahë haguã Coronel Martínez peve.
Peteî ary pukukue, ko’ã devoto oguahëva ko’ã mba’e ipokatúva y pochy omomarangatúva ha ysyry osyrýva rupi oho Tupãsy, upéicha rupi umi tapicha guaireño ojegueroviáva hese tetã pukukue ha oguahë meve santuario natural oñemopu’ã hague rio Tevikuarymí rembe'ýpe peteî Santuario ichupe ha upépe oñemoî raka’e upe Tupãsy de Paso ra’anga, ha upéicha ojejerúre ichupe omoañetéva promesa ojejapóva ichupe ha avei heta oaprovecha pñembopiro’y haguã ysyry hesakãva.
Itapé oime 165 kilómetro Paraguaýgui ha 17 km Villarrica-gui, ojekuaa oîha 8.000 yvypóra oikóva ko távape ha ko’ã ára jahávape ojeheróva capital espiritual del departamento de Guairá.