Jagueromandu’a Mba’apoharakuéra Ára

1- Ejesarekomína.

-Remombe’u rire mbo’ehára ha ne irũnguérape mba’épa rehecha emboherami ko’ã tapicha rembiapo.

2-Emboysyimína ko’ápe umi tembiapo nde rehayhuvéva ha emombe’u mbo’ehára ha ne irũnguérape mba’érepa reiporavo umi tembiapo.

3- Emoñe’ẽmi.

Mba’apoguigua temiandu – Reflexiones sobre el trabajo

Ñande Ru niko jepe omba’apókuri poteĩ ára ha opytu’u ára pokõiháme.

Nde syva ry’ái rupi ruhupytýta ne rembi’urã ára ha ára.

Mba’apo nañande’apo’íri.

Ndaipóri mba’e ho’areíva yvágagui, oimíva guive jahupytyva’erã mba’apo rupive.

Oĩramo peteĩ nomba’aposéiva anínte okaru avei.

Omba’apóva añoiténte pe oikuaa porãva opa mba’e repykue.

Tapicha omba’apóva po kangy reheve ha’e ava sa’i ombyatýtava hekovépe.

Opaite mba’e apóre ojehepyme’ẽva’erã hekopete.

Mba’aporã pore’ỹ, mboriahu ha teko’asy niko heñói hikuái tekojoja’ỹgui.

Mba’apo araka’eve ndojapoiva’erã tembiguái avavégui.

Umi hi’a rupive reikuaaporãta peteĩ mba’apohára añetetépe.

Akóinte remba’apova’erã reikokatusérõ.

Mba’apo ñanemohesãi.

4-Reikuaave hag̃ua ñane ñe’ẽ rehegua

Ape reikuaáta umi signokuéra ojepurúva jehaípe.

. kyta (punto).

: kytakõi (dos puntos).

; kytaguái (punto y coma).

... kytasoso (puntos suspensivos).

, kyguái (coma).

¡! kyndýi (signo de admiración).

¿? kyta porandu (signo de interrogación).

( ) rokái (paréntesis).

. kyta syry (punto seguido).

. kyta iguýpe (punto aparte).

. kyta paha (punto final).

5-Ne rembiaporã

Emoĩ signokuéra ogueraháva'erã ko'ã haipyrépe.

a) Araka'etéma kokue rerekuára neko'ẽ yvy jára hipa javy'a

ã) Mba'éichapa neko'ẽ Kola

ch) Nati oguereko hógape kure ype jagua tapiti ha tu'i

e) Kuehe oky hatãve jave oñani oúvo

ẽ) Ma'emína iporãitépa ko yvy pytã

Aranduka ojepurúva

GUASH, A. (2002) «Diccionario Básico». Centro de Estudios Paraguayos CEPAG, nueva edición por Bartomeu Meliá. Ediciones y Arte SRL. Asunción.

GALEANO, D. Guarani Ñe’ẽ. Mba’apohára ára.Recuperado el 2 de abril de 2019 de https://dgaleanolivera.wordpress.com/dia-del-obrero-guaranime/