Ñanemopirî pe ikatúva ja'e pe ojehu ha omoherakuãva ministro de Salud Pública, Julio Mazzoleni, omombe'úva mba'éichapa ojuhu ko sector, omoirûva educación ha seguridad-pe, ha'éva pe omopyrendáva'erã sociedad nacional ha oñemopyendáva ko tripode rehe opu'ã haguã tetã ha tekovekuéra oreko haguã bienestar ha progreso. Ko'ã mba'e mbytépe, ministro omoañete oîha millón de medicamento ha insumo pohanohára oiporúva ha orekóva fecha vencida, ndojeporúigui. Ombojoapy oîha disponible 900.000 dólar ojapóva'erã kuri doce millones, ha oreko hikuái peteî deuda 250 millones de dólares ha ojesaldava'erãva, ambue mba'e mbytépe. Ndaipori duda, crímen ivaivéva ha inhumano ikatúva ojejapo oipe'a umi sector mboriahúgui ha ndorekóiva pe población upe recurso básico oñedestináva salud-pe. Upéicha, iporã ministro Mazzoleni oikuaauka ko'ã denuncia, oñemomba'eguasuvéva toipykúi tembiapo ko'ã tapicha oîva responsable toho topyta kársel-pe ha tome'ê jey pe omondava'ekue.
Ko'ã mba'e ndojejapóirõ osegíta omonda hikuái , ha ágã ministro pyahu oúva ojapóta avei péicha denuncia igestión ohejáva rehe.
Pág. 10