Movilización esteñokuéra omotenondéva oitýva Sandra McLeod ohechauka mbo'epy ikatúha ojehekýi umi oñemohatãva hetaite arýma ha oñemomba'eguasúva orekóva rehe ha péva oñandúvo umi oîva ipoguýpe kuéra oñeñandu vaíva ha oguahêva peteî ñe'ême omotenondévo derecho orek+óva oñembyaty haguã pacíficamente. Ko'ã mba'e ojehúva Ciudad del Este-pe oñemotenondeva'erã avei ambue tavaguasu rehe oikohápe jerovia'ÿ administración municipal ipokarêva rehe. Ko'ágã oñeñandu péicha ha ohechakuaa hikuái umi kuña ha kuimba'e oikóva San Lorenzo gotyo odenunsiáva umi mba'e hekope'ÿ ojejapóva Albino Ferrer (ANR) ningo omyakã táva róga, 2007 guive ha omoirû 7 concejal 2001 guive. Heta oî ojeruréva intervención Municipalidad supuestamente ojeakeáva ha toñemboyke intendente, ko'ágã peve Junta Municipal mba'eve ndojapói Poder Ejecutivo. Contraloría ojeruréma 2 ary ohóva Municipalidad intervención, Cámara de Diputados oñenega. Ferrer oreko iñakã ári veinte objeción ha péva ombohováiva'erã. Ko'ã tavaygua ojerureva'erã orendi haguã cuenta oiporúvo último centavo ojeporúva umi aporte estatal comunidad-kuéra rehe avei umi tributo ha'ekuéra opagáva rehe.
Pág. 10