Monseñor Giménez nndikatúi oheja rei ha oñe'ëmanter, mbykymi umi denuncia acoso sexual ohypýiva pa'ikuérape, especialmente Parroquia Limpio-guápe.
“Oï umi mba'e ñanemotïva campo religioso-pe ha opo cada tanto. ¡Mba'e jajapóta! Ñareconoce mante ñande débil-ha”, he'i hetaite feligrese rovake omyenyhëva explanada central Basílica Ka'akupépe.
Oñemoñe'é: “UMi mitãrusu ha mitãkuña oñehenóiva ohecakuaa haguã vocación orekóva ha osegi haguã Jesús-pe”. Péva temática, monseñor Giménez he'i oñeikotevëha iglesia católica oikotevëha mitã pyahu osegíva Kiritópe ha oevangelisa haguã pueblo.
Omokyre'ÿ mitãrusu ha mitãkuñáme oñeanima haguã ha opói haguã umi mba'e hasýva ha'éva oipykúivo tape ha tojejagara Tupãsy rehe ha imembýre oipykúi porã haguã hape. Hi'omilía rupive oñe'ë principal objetivo orekóva iglesia Católica: Evangelizar. “Ore ndaha'éi economista ni político, sino simple Ñandejára rembiporu”, he'i Giménez.