Jesareko ogueraháva ko'ã punto estratégico tetãme oimehápete umi oñangarekóva umi técnico Dirección Pesca ha Acuicultura, Fiscalización Integrada Ambiental, MADES ha Prefectura Naval, oime hikuái rio Paraguái ha Paranáme. Jehupytyvoirã omomba'eguasúvo periodo de veda ha ogenera conciencia tavyaguakuéra mbytépe.
Táva San Pedro gotyo, ko sábado, pe comitiva ohecháva ha osyrývo oñembombaépa veda peskera péva río Paraguay Villa del Rosario gotyo, ha oikuaauka oikundahávo campamento ojehejáva ha iumehápe umi pirakutúha rio rembe'ýre. Ojuhu peteî limeta ha hese oñeñapytï peteî karnada ojeporúva ñuhãrõ peteî bidón ryepýpe ojuhu pira mimi ha pya'ete opói jey hikuái ysyry guasúpe oñemuña haguã.
Ka'aguasu ha Guairá, oime río Tevikuarými, ko'ápe umi funcionario MADES-gua ojapo avei control ha oipytyvõ chupekuéra Asociación de Pescadores (Asoped) ha Policía Nacional.
Péicha vigilancia osegíta mbarete. Imandu'a hikuái orrespeta va'erãha pe veda pesquera ha nda'upéichai ramo omotenonde peteî delito ambiental, ho'áva tukumbo upéva rehe ámbito penal, multa oiméva káso ivaitévape.