Ko ary, 30 de junio peve, 25 inversor –mbohapy réra ndojeikuaái– ojogua umi bono del Tesoro paraguayo G. 2 billon 380 mil millon (US$ 417 millon rasa’imi) repy. Péva omombe’u Ministerio de Hacienda.

Kuehe oñemombe’u Darío Messer –“hermano del alma” he’íve hese mburuvicha guasu-kue Horacio Cartes– oimeha umi ojogua va’ekue bono del Tesoro apytépe. Umi 25 registro apytépe, peteîva ha’éta hína ko brasilero oñeñe’êha, ha oime ramo añete ko oñemombe’úva, Paraguay odeveha ko prófugo brasilero-pe, péva tuichaiterei escándalo financiero ojehúva.

Darío Messer oime prófugo de la justicia Brasil-pe ha avei Paraguáipe. Brasil he’i ko kuimba’e omyakãha peteî organización criminal ojapóva lavando dinero ñane retã guive. Ha ndaha’éi lavado de dinero año pe ojapóva peteî banco del Estatal rupive; avei ojogua ko’ápe bono soberano plata ky’a rupive.