Sesión ohasáva ko miércoles umi legislador omonéï proyecto de ley oipysóva presupuesto ikatu haguã Poder Legislativo G. 12.599.300.000 ohasa hi'ári. Péicha ko suma, G. 8.800 millones oñedestina Cámara de Diputados pago de gratificaciones umi funcionario; Cámara de Senadores oipyhýta G. 3.117.200.000 omoheñóivo 32 cargo umi funcionario jubilado ohasáva oñereincorpora judicialmente. Ipahápe umi funcionario Congreso Nacional-gua opyta G. 682.100.000.
Ojehúvo ko'ã mba'e sesión ko ára rehegua, umi mba'apohára oñemanifesta sede parlamentaria opresiona omonéî haguã proyecto. Péicha ko vocero funcionario Diputado-guakuéra, Richard Gómez, oguerosapukái vy'apópe umi parlamentario ohaíva ha odeclara ha'ekuérante oheka justicia salarial péva oimehápe umi poder del Estado-kuéra. Ogueromandu'a ministerio-kuéra ha'eháicha Hacienda orekóva umi funcionario ohupytýva mokõi aguinaldo ha hetave gratificación.
Ogueromandu'a jey hendape'ÿha ha omoañeteva'erã Ley de la Función Pública, omoïva Poder Ejecutivo, he'ívo ambue poder del Estado ha'eháicha Judicial oïva norma orekóva rehe.
Ko proyecto oipysóva pe oje'éva ampliación presupuestaria Poder Legislativo ko'ágã ohasa Cámara de Senadores-pe. Ojehecha presidente Horacio Cartes, omotenondéva upe Ejecutivo, omoïva ikaatu haguã oveta repartija de millonarios umi fondo oúva erario público-gui.