“Rojerúre derogación pya'ete ley 5036/13 omoheñóiva “Fuerza de Tarea Conjunta ha ohekáva solución ipya'evéva ogarantisáva respeto dignidad humana”, he'íva avei omomba'éva Clero del Norte, oikehápe umi Obispo, pa'i, diácono Diócesis de Concepción, Benjamín Aceval, San Pedro Apóstol ha umi Vicariato Apostólico Chaco ha Pilcomayo-gua.
Haimete cinco jurisdicción eclesial omantene juhu oanalisáva tetã realidad ha orekóva atención ko'ã mba'e ojehúva ha ojoajúva grupo criminal EPP ha Fuerza Tarea Conjunta, omoheñóiva léi omombia haguã combate crimen organizado norte gotyo oîva.
Marandu oikuaaukávape he'i: omoguahëha hi'angajoja familia Edelio Morínigo ha Félix Urbieta, avei ambue víctima secuestro rehe, péicha avei umi obispo Concepción ha San Pedro, ojekuaáva penuria población ha atropello ohasáva hikuái omboguatáva avei ko'ã organismo de seguridad.
Unite al canal de ABC en WhatsApp
“Rojepy'apy norte ñane retãme, abuso ha atropello poder orekóva Estado-gui ojopýva dignidad orekóva yvypóra ha iderecho humano, nopenáivo umi garantía constitucional oúva Estado de Derecho-gui, péva Fuerza de Tarea Conjunta FCT guive, oiporúva Fuerza Pública ha'ekuéra oipotahaícha, oatropella umi óga mimi ha ombyai umi mba'e orekomíva ko'ã gente mboriahumi; ojapóvo hikuái upe intervención ha oparesáva hekope'î, tortura, extorsión, acoso sexual, maltrato físico ha psicológico avei…”.
Jerarquía eclesial norte gotyo, ombohetave estado de incertidumbre ha ojeiko zozobra población-pe, ndaipóri jepovia umi mbohapy poder del Estado rehe.
Obispo del Chaco, monseñor Gabriel Escobar omoañete oguahëha peteî ñe'ême hikuái, ko'ágã peve ndaipóri resultado positivo jepénte heta ary oñemoheñóihague.
Ojehechava'erã ko'ã equipo oñeikotevêva lucha oîva ko'ã marginal EPP, “upéicha ndaipóri motivo oîha gueteri he'i religioso”
Ko estado de indefinición ha ndojeguerekói resultado FTC ndorekói razón de existencia, ojederogava'erã oñemoheñói haguã he'i obispo
Péicha avei ojepy'apy situación de aislamiento oîva heta yvypóra Alto Paraguái gotyo ndorekói tape, ha deforestación ndojejokói yvy chaqueño ojeporúva yvy agrícola ha ganadero-va, ha ojeguerekóma avei peteî desequilibrio climático ha ecológico, ohypýivo población mboriahumíme.