/arc-anglerfish-arc2-prod-abccolor.s3.amazonaws.com/public/LOP3MAN5NNBTRALBQVSG4MSBA4.jpg)
Video oñemoherakuãva redes sociales rupive. Ojesarekóvo pastor evangélico ojekuaáva Serafín Navarro, “confiscando” objeto ritual ha'éva cultura ha tradición mbya guaraní, tujami indígena 97 arýma ogueroguatáva, oargumenta “oipe'aha demonio”, upévagui ohundípa.
Mayma tapicha ohecháva ogueropochy redes sociales rupive ohechárõ hikuái video, ko'ápe tujámi, oîva tekotevême ojesareko ha ohecha mba'éichapa pastor ombyaipaite pe hembiporúmi he'ívo “ Añáha”.
Roporandu ko káso antropólogo social Jorge Servín, mba'éichapa ikatu oñeinterveni ko káso oikóva ikatu haguã ointerveni Justicia-pe, ogarantisávo derecho orekóva comunidad nativa, otakývo umi oatropelláva desarrollo sociocultural.
Unite al canal de ABC en WhatsApp
Especialista omyesakãl noiporãiha ko ojejapóva comundiad rehe. “Ha'ekuéra omoheñói peteî cosmovisión propia ha'éva peteî estilo vida en comunidad. Kóva peteî derecho garantizado ary 1992, orekóva pa'ü territorial, orekóva pauta cultural, recurso natural ha orekóva pe ojehecháva ha ndojehecháiva”, he'i especialista.
Ombotývo iñe'ê, avave, ndorekói derecho odisponéva pertenencia orekóva ko'ã indígena ha ndojepokóiva'erã hese.
Ko antropólogo ombyasy ko oikóva rehe ha he'í ko'ã religión oikéva comunidad vulnerable rupi. “Ome'ê chupekuéra ao, oikotevêgui, upéi oinvita chupekuéra oñembo'e ha opurahéi ha ojere hesekuéra ha upéicha oike haguã hendivekuéra”, ombyasy.
Servín rhe'i avei odenunsiava'erã ha'ekuéra itávape ha upéicha ikatu avei roipytyvõ. “Ohejava'erã constancia nomomba'éiha derecho orekóva ko tapicha indígena itávape. Ko precepto constitucional oñegarantisa comunidad-pe”, omyesakã.