Pe Directorio omyakãva Partido Liberal Radical Auténtico (PLRA) oñembyatýta ko ka'aru táva Hurlingham, Gran Buenos Aires, Argentina-pe. Upépe oikóta ñemongeta ojehecha haguã mba'éichapa mayma tapicha paraguái oikóva tetã ambuére ikatu oguerekove participación tetã myakãhanguéra jeporavópe.
Ojupívo chovy ruvicha ramo, Efraín Alegre (omañámava hína Presidencia de la República rehe) ombyesako'i oúvo Directorio aty ñane retãpýre. Ha péina ko'ágã aty oguahê Buenos Aires-pe, ohendu haguã chovykuéra oikóva Argentina-pe remiandu.