/arc-anglerfish-arc2-prod-abccolor.s3.amazonaws.com/public/4Q3E7BPZCNHOZEF23JJQTAYRKQ.jpg)
Mbohapy Beechcraft Bonanza, peteï Cessna 152, peteï Cessna 162 ha peteî Aviat Husky, 12 piloto paraguayo oñepyrüva domingo ohasáva upe límite natural ojoajuhápe Bolivia, Brasil ha Argentina. Peteî, ingeniero Roberto “Beto” Vera Vierci, ojekuaáva ha'eha aviador katupyry tetãme, omombe'u mba'éichapa oñemotenonde upe viaje peteî parada guive, departamento de Boquerón.
E ohenóiva “Vuelta al Paraguay”, ojuhúva 3.000 kilómetro ha oguerovia oguahëtaha punto de partida Ybytú, San Bernardino, ágã sábado 21 de enero oúvape.
Oñomonhetávo, oikundaháma ijeguata veve omombyte porãva ohaíháicha hikuái, según omombe'u ingeniero, he'íva upe idea iñepyrürãme ofesteja omoambuévo hi'áramboty 80, 14 de enero ára ohasávape. “Katuete rojapóva asado ha romoambue ko arýpe ambotýgui 80 ary, ha osë ko idea”, ombojoapy.
Unite al canal de ABC en WhatsApp
Upéicha, he'i ijehupytyrãme odefini ha oimehápe oguerohorývo umi kuimba'e ome'ëva'ekue hekove Guerra del Chaco jave.
He'i imandu'ávo oveve hikuái río Pilcomayo, Chaco ruguaite peve, río Paraguay ha río Negro. “Roñepyrü río Paraguay, rohasa río Apa upéi rohasa río Paraná, ipahape roju jey haguã río Paraguay gotyo, ipahápe San Bernardino-pe”, he'i.
He'i omotenondeha itundyha tenda opytaha hikuái: Estancia La Madrugada, Chaco Paraguayo, a 740 kilómetros de Asunción, upéi opernocta peteî estancia Fortín La Patria; mbohapyha ohasa hikuái peteî estancia expresidente Juan Carlos Wasmosy ha upéicha ko'ágã oime upe departamento Boquerón, específicamente estancia La Esperanza, ha'éva exsenador Alfredo Luis Jaeggli mba'éva, río Apa rembe'ýre.
Oguahëvo región Oriental, omombe'u opytáha chupekuéra mokõi parada, ha'eva upe reserva Bosque Mbaracayú, departamento Kanindejú ha ipahápe peteî parador ohenóiva Doña Ramonita, oimehápe Paso De Patria, Ñe'êmbukú.
PROTAGONISTA-kuéra
Ko'ã expedición omyakãva ha'e hikuái piloto oñembyatýva Club de Vuelo Deportivo Yvytu, orekóva ijehupytyvoirãme oipysóvo ha omokyre'ÿvo oveve hikuái, oipytyvõvo ombo'e piloto pyahu ha orekóva omohenda porãvévo hi'arandupy. Avei Vera Vierci, ndive oime hikuái Julio Cano, Rodrigo Vera, Luis Viveros, Luis Demestral, Kike Kroll, Angel Brusquetti, Koko Mujica ha Miguel Cañete.
PROYECTO PETTIROSSI
Club de vuelo ha'e omokyre'ÿva "proyecto Pettirossi" omboguata ha omopu'ã jey hikuái avión Deperdussin 2014, oiporuva'ekue Silvio Pettirossi 100 ary ohóvape, ary 1914. Vera Vierci oimeva'ekue hendive raka'e ha péva noticia 2014 jave ojupi jeývo yv+ága gotyo htaite gente mbytépe ha'éva pe aeroferia, mbovymíva yvate ha ho'a yvýpejey ha upérõ nahungaiete ha péicha opyta pe kerayvoty ha omoañte hikuái ko'ágã.