“Toimputa Ferrer, peimputa Ferrer-pe” opurahéi hikuái umi tavaygua oñembyatýva Municipalidad San Lorenzo rovái. Ojerúre hikuái Ministerio Público tomotenonde imputación exintendente Albino Ferrer-pe, umi mba'e oikóva supuesta irregularidad ojapóva administración ojeipysóva 12 ary pukukue.
Ko'ã tavaygua oemplasa jefe comunal Alcibiades Quiñónez, lunes peve, oñepresenta haguã jehai desistimiento acción inconstitucionalidad ohapejokóva Contraloría General de la República (CGR) oaudita haguã umi cuenta ha gasto Municipio rehe.
Ko'ã sanlorenzano he'i hikuái ohasávo pe obstáculo, ojerúre hikuái contralor omonéîva peteî grupo tavayguakuéra ikatu haguã omoirû proceso de auditoría ogarantisávo transparencia procedimiento rehe.
Unite al canal de ABC en WhatsApp
Ko'ã indignado oimehápe ko'ã tapichakuéra aty ha umi oñembosako'íva ko'ã mba'épe oguerosapukáivo tembiapo vai tva rógape. Omoherakuã ko'ãva “peteîha ára ojapóva umi movilizaciones opáicha punto tavauguasúpe”.