Ytororôme oiko ñemandu'a

Kuehe ambue, aty guasu iporâva ojejapo táva Ypanéme oñemandu'a haguâ umi tapicha ho'a vaekue Batalla de Ytororôme, oiko vaekue 150 ary ohasávaekuépe.

Upe Batalla de Ytororô ningo oiko vaekue upe campaña Pikysyry pa'úme, Guerra  Contra la Triple Alianza ro guare, ojapo 150 ary.

Comisión Nacional de Conmemoración del Sesquicentenario de la Epopeya Nacional (1864-1870), Secretaría Nacional de Cultura (SNC), Gobernación departamento Central pegua ha Municipalidad de Ypané omykâ ko tembiapo ha ojapo upe acto conmemorativo.

Oî upépe intendente Ypanémegua, Horacio Ortiz Abrecht, ha avei gobernador departamento Central pegua, Hugo Javier González.

Upéicha avei ministro de Cultura, Rubén Capdevila, oñe'êvaekue Comisión del Sesquicentenario rérape, ha he'i oñemandu'aha hínaumi mab'e oiko vaekue upe 6 Jasypokôi ary 1868-pe, oñepyru mboyve upe campaña mbykyvéva ha hetave sacrificio oguereko vaekue, ha'eháicha kuri upe Campaña de Pikysyry”.

Juan E. O'Leary he'i vaekue ko Batalla de Ytororó ha'eha símbolo del heroísmo y abnegación del Ejército paraguayo", imandu'a Cultura pegua karai.

Oiko avei Retreta Militar, oajpóva cadete kuéra Liceo Militar Acosta Ñu pegua, ha avei oiko jeroky temimbo'e SNC pegua rupive. Avei oî tapicha  kuéra Escuela Municipal de Danza Ypané pegua.

 

Enlance copiado
Cargando ...