Umi nativo oúva distrito Yasy Kañýgui, departamento Kanindeju, oguahë hikuái pása peve oipepirû hikuái presidenta del INDI-pe, ndohói hendápekuéra, ou jey hikuái ha'ekuéra omba'ejerurévo, péva oreko 5 puntos específico, ijapytépe oñemohendaha ohecha upe gestión institucional omoirûpa chupekuéra, regularización documentación yvy oikohápe hikuái.
Daniel Gómez, vocero, ojerúre oñeñyrõmi haguã chupekuéra ciudadanía ou haguére hikuái Capital-pe, omyesakã he'ívo: “ndoperhudikaséi ningo ciudadanía-pe”.
“Roju organizado, ágã roñomongeta rire hendivekuéra ha ombohovái ore mba'ejerúre oñembohováivo, roju ore comunidad-pe”, he'i Gómez.
Unite al canal de ABC en WhatsApp
Péicha omombe'u oguahêtaha Secretaría Nacional de la Vivienda y el Hábitat (Senavitat) rovái ha upépe ohecháta imba'ejerúre, péicha Servicio Nacional de Calidad y Salud Animal (Senacsa) ha Ministerio de Obras Públicas y Comunicaciones (MOPC) peve oguahëta.
Ipahápe oguahêta hikuái Instituto Nacional del Indígena (INDI) peve “jahechápa mba'e he'i pe kuñakarai oréve”.
Ojekuaa oîha 130 nativo omopyendáva ha he'íva pya'emínte toñesolusiona imba'ejerúre ha oñembopukutárõ, ouvéta hikuái.}