Ojekuaa fuente policial rupive, viernes ára ohasávape, mokõi kamiõ kakuaa ogueraháva mba'erepy, peteîva ogueraha 20 mil kg ha ambue 36 mil kg soja, osëva empresa Desarrollo Agrícola del Paraguay (DAP) peteî puerto privado oiméva Puerto Antequera-pe, péicha carga noguahëi araka'eve ha martes ára ohóvape ko empresa oikuaauka ko mba'e okóva comisaría local-pe ha fiscal Jorge Encina San Pedro de Ykuamandyjúgua omotenonde pesquisa.Peteïva ojuhu San Pedro de Ykuamandijúpe ha chofer, Liborio Barrios oho oñomongeta investigador-kuéra ndive, omombe'u ojapohague upe flete ha opaga ichupe hikuái G 1 millón trabajo rehe ha oipytyvõ investigación oikóvape, péicha avei ambue transportador Omar Cordobés ndojekuaái hapykuére.
Oje'e ningo ikatúha peteî grupo empresa transportadora de granos, ofragua ha ombotavy umi chófer-pe oikóva chupekuéra de fletero, péicha avei umi menonita silo, ombojojáva 333 dólares la tonelada producto, opaga hikuái 16.650.500 dólares upe carga rehe.
Según fiscal Encina, opaga upe silo ojehpyme'ëva voi mercado-pe, ha umi menonita ome'ê detalle mba'éichapa oguahë Silo-pe upévare agente ministerio publico oñemotenonde ohoha tape porã rehe oguahë haguã umi responsable peve.
Fiscal, he'i peteî fletero oñepreseta ha oipytyvõ investigación, upéicha avei silo oñeikuave'ë, pécha opaga upe monto ha opyta oñemohendávo umi responsable, omyesakãvo orekómapa téra ha mba'épa oikuaa reserva orekóva rehe omboty haguã jko káso ha omombytávo implicado-kuéra.