YBYCUÍ, Paraguarí. Ary 2000, Escuela Agrícola ko tavaguasúpe ohasa ha oadministra Gobernación Paraguarí. Iñepyrûme, ko institución educativa orekóva 150 temimbo'e, pero oguejýva ohóvo ofalta pe asistencia integral ko institución oîvape.
Ko pedido ohasávo administración Ministerio de Agricultura y Ganadería (MAG) omanohápe electrocutado peteî temimbo'e noviembre ohasávape. Ko víctima Julio César Pereira González (18), compañía Chauria distrito La Colmena.
Upe ára guive umi sy ha túva, mbo'ehára ha temimbo'e oñepyrû oñe'ë umi tekotevê mbo'ehaópe ha odenunsia taperepe oñeñandu.
Péicha gobernador Juan Carlos Baruja (ANR, cartista) ombohasa 22 jasypateîme peteî nota ministro de Agricultura, Denis Lichi Ayala, oñepyrûvoumi trámite upe Escuela Agrícola de Ybycuí oisãmbyhy jey Dirección de Escuela de Educación Agraria, MAG poguýpe oiméva.
Ministro Lichi omomarandu arapokõindy oikéva ha oîva agendada firma del convenio traspaso reheguáva. Ndaha'éi Baruja añónte, sino ambue poha gobernador-kuéra oîva administración escuela agrícola-kuéra.