Puente tuja maderagui ojejapo vaekue oîva riacho Loma Clavel ári, tape ogueraháva ko távape, ho'a paite ha avave ndaikatúi osê térâ oguahê upépeve. Upe pasarela tuja ningo oî aimete 10 km táva mbytégui, ha ho'a kuri ojapóma 15 ára, ha hendaguépe oñemoî kuri umi alcantarillado puente yképe, ikatu haguâ ohasa tapicha kuéra upérupi. Upéí ou oky tuichaiterei ha amâ mbarete ogueraha paite umi tubo oñemoî vaekue.Ko táva ningo oî 650 km Paraguaýgui, río Paraguái ypýpe, distrito Carmelo Peralta ryepýpe.