Cargando...
I. Eñoñe’ẽ ko ñe’ẽpoty.
Karai ñemitỹhára
Teresa D. González Ramos de Benítez
Heñói ha hi’áva kokuépe
nde ry’ái rykue meme
jepytaso ñeha’ ãme
kuarahy aku nde apére
upépe remba’apo.
Karai ñemitỹhára
upe nde kokue rapére
heta rehasariréma
péina ko’ág̃a rehecha
hi’ajumaha nde kóga
nde jyva ñemitỹngue.
Umi guyra’i mimi
Ijayvupáva ijerére
ogueropurahéi vaicha
heta tembiapo renda.
Hi’ãnte retopami
ohechakuaáva ndéve
ha rehepyme’ẽ hendáicha
nde ry’ái repykuemi.
Ha maymáva tetãgua
anivéna jareko
tesarái rembijahéirõ
umi ñande rapicha
yvy ñemitỹharakuéra.
Anive teko avy
oiko’õi hekovekuéra
ha ko’ẽ ko’ẽre
omboguéva
chokokue kéra yvoty.
Lea más: Terere Ára
II. Eñoñe’ẽ ñe’ẽndy.
1. Ñemitỹhára: agricultor.
2. Heñói: brotar.
3. Ry’ái: sudor.
4. Apére: sobre la espalda.
5. Rehepyme’ẽ: vendes.
III. Ejeporeka mba’épa he’ise ko’ã ñe’ẽ.
1. Jepytaso:
2. Kokue:
3. Kóga:
4. Tesarái:
5. Chokokue:
IV. Ehai ñe’ẽjoaju umi ñe’ẽ rejeporekava’ekue ndive.
Fuente: GONZÁLEZ, T. Mainumby. 2022. Asunción. Litocolor.