Emohenda hekopete ko’ã haipyvo.

_____Pe kuñataĩ oñandu pe Jasy oñanduha peteĩ temiandu avei hese ha, ohechaukávo imborayhu, ome’ẽ chupe ñavõ pyhare pe tesape haku asýva. Ndaipóri mytuẽ chupe g̃uarã imborayhu jára ndohóirõ hendápe térã opyta jave kañyháme arai rapykuépe ha ovy’ánte ha’e ohecha jeývo chupe.

____ Peteĩ pyhare ohendu umi yvyramáta ñe’ẽmbegue ombotyryrýva yvytu ha oimo’ã ha’eha pe Jasy ñe’ẽ ohenóiva chupe. Upémarõ oñehaʼã og̃uahẽ hendápe. Ojupi pe yvyramáta ijyvatevéva ru’ãme, katu oñeha’ã rei’ete. Ha péicha oñepyrũ oguata pynandi omuñávo pe ohayhúva ikatu’ỹva ohupyty rape. Ohasa ka’aguy ha ñu guasu og̃uahẽ meve yvytykuérape. Ojupi pe ijyvatevehápe ha omopu’ã ipo ohupyty hag̃ua ikerayvoty. Katu ko’ã mbaʼe ojapovaʼekue ndovaléi chupe mbaʼeverã.

_____ Jasy Rata imitã guive ha ñavõ pyhare osẽ ñemiháme itapỹigui oheja hag̃ua ojapichy chupe umi Jasy aratiri itatĩva, kóva oñandukáva chupe peteĩ akãraku ojejokokuaa’ỹva. Ko akãraku, ohasávo ára, oñemoambuéva peteĩ mborayhu imbarete ha ipy’atarovávape.

_____ Ymaite guive, oĩkuri peteĩ kuñataĩ ypykue iporãitéva ha umi ohecháva chupe hesa rory hese. Upévare hikuái ohenói chupe Jasy Rata. Ha’e oikova’ekue pe ypa tuichaitéva Yberá (Yvera) rembe’ýpe, he’iséva “y omimbipáva”.

I. Emoñe’ẽ ñe’ẽndy.

• Temiandu: sentimiento.
• Avei: también.
• Mytuẽ : consuelo.
• Térã: o.
• Arai: nube.
• Yvytu: viento.
• Upémarõ : entonces.
• Ñehaʼã: procurar.
• Ijyvatevéva: el más alto.
• Pynandi: descalzo.
• Rape: camino.
• Ka’aguy: bosque.
• Ñu: llanura.
• Yvyty: cerro.
• Kerayvoty: sueño.

Traducido por Paulina Concepción Gamarra Vera.