Aguara ha Ka’i

1. Jajesarekomína ta’angáre ha ñamombe’u jahecháva.

2. Ñañemongetami.

Mba’éichapa ojogueraháne ka’aguýre Aguara ha Ka’i

Ha’ékuéra piko oñoirũ terã nahániri. Mba’érepa peje

Mba’erepa oiméne oñe’ẽ ko moñe’ẽrã

Pejemína mba’érepa upéva.

3. Ñamoñe’ẽmi

Aguara ha Ka’i

Ka’i ha Aguara oikundaha ko yvy ape ári ha py’ỹinte oñokarãi’imi oha’ãvo mávapa ipokatuve. Peteĩva hetave ambuégui iñarandu ha ipirapire. Ijurúpente upéva.

Peichahápe, Ka’i omaña peteĩ te’õnguetýre ha hasẽvaipaite. Aguara oporandu ichupe mba’épa ojehu ichupe.

Aguara ha Ka’i

Ka’i ha Aguara oikundaha ko yvy ape ári ha py’ỹinte oñokarãi’imi oha’ãvo mávapa ipokatuve. Peteĩva hetave ambuégui iñarandu ha ipirapire. Ijurúpente upéva.

Peichahápe, Ka’i omaña peteĩ te’õnguetýre ha hasẽvaipaite. Aguara oporandu ichupe mba’épa ojehu ichupe.

- Mba’éichaiko nacherasẽmo’ãi ahechávo che ramoikuéra arandueta

omanombamava’ekue!

- Ha ikatúnte nde japu rejepy’apy’ỹre, ha’ekuéra nopu’ãmo’ãi!

Nde rekopotĩva’erã tapiaite. Nameméi oĩta nembohovake ha ohechaukáva opavavépe ndépa ndejapu terãpa nahániri, ha katuete ojeroviáne nderehe.

. Ñamohesakã ko’ã ñe’ẽ:

- Pokatu. Ipu’akáva hapicháre oguerekovégui arandu, pirapire terã omandágui.

- Oikundaha. Oho ha ou hikuái, ágotyo ha pégotyo, ndopytái peteĩ hendápe.

- Py’ỹinte. Tapiaite.

- Oñokarãi’imi. Oikovai’imi

- Te’õnguetýre. Tenda oñeñotỹhápe te’õngue, ñande rapicha omanóva.

- Ramói. Ñande ypykuéra.

- Py’apy. Nandepy’aguapýi, reguereko nemyangekóiva.

4. Ñamoĩmba ko’ã ñe’ẽjoaju, jaipurukuévo peteĩva umi ñe’ẽ oñemoĩva yvateguáva.

a. Karaikuéra oiko ……………...... ñu ha ka’aguýre ohekávo yva.

b. Karai López ohechaukase …….….......…. Upévare

ombyaty heta pirapire.

c. Che sy ………………................... cherehe asẽramo

aguata pyharerei.

d. Ñande jaguereko arandu ka’aty ñande ……...................

ohejava’ekue ñandéve.

e. Ko’árupi ……….….................. ojejapo jerokyguasu.

f. Che roga ykeregua ……...….................... imemby karia’y

ndive ko arateĩ.

5. Ñamohendami ko’ã temiandu.