Ñamoñe’ẽmi
Ña Katalina rógape
Roho Ña Kata rógape mbohupáramo che sy, che ru ha che kyvy ndive.
Ko kuñakarai arandu, oñe’ẽkuaa guaraníme ha castellano pe avei. Ha’e mbo’ehára jubilada.
Roguahẽvo hógape,tuicha ore pytuhẽ .Pehecháramo mba’éichapa iporã ña Káta korapy hi’ãta peẽme pepyta upépe arahaku jave peikuaa haguã piro’y.Hóga kuláta jovái oĩ agũi ysyrýgui. Tuicha hogaguy, ko’ápe oĩ kyha, mesa guasu ha tembiporu renda.Péa pe ogaguýpe ojekaru, ojepurahéi, oñeñembo’e, oiko avei ñembosarái.
Oremoguahẽ, oremboguapy raẽ mango ojeréva hógare guýpe.Oguerúma katu oréve y roỹsa porã.-Ejokomi pe kagua he’i chéve, ha apyta che rovayva. Ndaikuaái mba’épa ajapóta. Omoĩ´vo che pópe vaso ha he’i, kóa ko héra” kagua” guaraníme.
Ohendu che sy ha he’i ichupe. -Ajépa ningo nde reikuaáva, ikatu orembo’emi michĩmi pe guaraní. Ñamoĩnguévo mesákena eremi oréve tembiporukuéra réra.Tekotevẽ oremomandu’ami jahechápa ndoroiporúi umi ñe’ẽ ñane mba’éva.
-Néi, he’i ha ohóma ogueru peteĩ ta’anga. Omoĩ orerenondépe ha he’i.-Nda hasyieténingo upéva.Pe ma’ẽmína. Péva aiporu ambo’e haguã che remiairõ kuérape.Ha upéi ñamoĩta oñondive mesa ha upekuévo jaiporútama herakuéra.
Rojapo he’iva oréve ha romoñe’ẽ tembiporukuéra réra.Che ru opuka ha he’i, -ndahasýiete ningo ra’e.Mbaérepiko ndajaiporúi ñaneñe’ẽ.
Roho romaña korapýpe, yvyrakuéra, mymba opáichagua, mokõi chikito akãhata heta orembopuka. Karai Seve, Ña Kata ména omoigéma tatakuápe ryguasu ka’erã.
Oñemoĩtavo mesa ojekaru haguã, ña Kata orerenói ha he’i.-Oĩmbaite alasénape tembiporu. Che ajeruréta ha peẽ pe mbohasáta chéve. Romoĩmbávo mesa oremandu’apaite umi tembiporu réra rehe.
Ñane rembiaporã
1. Jajeresarekomi ko’ã ta’ãngáre ha ja’ejeyjey herakuéra. Tembiporu jaiporúva ára ha ára.
2. Ñamohenda oiháicha moñe’ rãme
(Ordena en secuencia)
-Roguah vo hógape, tuicha ore pytuh . Iporã ña Káta korapy
-Oremoguah . Oguerúma katu oréve y ro’ sa porã. —Ejokomi pe kagua —he’i chéve, ha apyta che rovayva.
-Roho ña Kata, kuñakarai arandu, rógape mbohupáramo
-Ohendu che sy ha he’i ichupe: “Ajépa ningo nde reikuaáva ikatu orembo’emi michimi pe guarani”.
-Néi —he’i ha ohóma ogueru petei ta’ãnga. Omoi orerenondépe ha he’i: —Nda hasyieténingo upéva.
-Oñemoitavo mesa ojekaru haguã, ña Káta he’i: —Che ajeruréta ha pe pe mbohasáta chéve tembiporu.
-Rojapo he’íva oréve ha romoñe’ tembiporukuéra réra.