Hernán Arzamendia, asistente fiscal Capiatágua, oho haguã pyhareve jave invasión de inmueble Kilómetro 24 Ruta II ko távape, péva barrio San Gerónimo-pe, ojuhu mbohapy mitãmi 8:30 aravo jave. Iro'y, ivare'a ha ky'a apytépe, oreko 8, 6 ha 2 ary.
Omombe'úva umi vecino, itúva oho ange pyhare fiesta patronal-pe ha opyta ha'eño hikuái. Isy ndoikói hendivekuéra oheja guive upe óga pe kuimba'e omaltratágui oka'u jave, he'i hikuái.
Ojegueraha mo'ã jave Codeni gotyo, ojerurégui fiscal Benjamin Maricevich, kuimba'e oguahë he'i ohohague oheka omba'apo haguã. Ojegueraha chupekuéra Codeni-pe ha umi mitã opytáta hikuái upépe ojekuaa peve oñeme'êta ijarýipe térã isýpe. Según Arzamendia, avei ojehecháta mitãnguéra sy ojeprocesa haguã ko mba'e oikóva rehe.
Unite al canal de ABC en WhatsApp
Ojeikuaaukáma Defensora de la Niñez-pe ha'e he'i ohenóima Secretaría de la Niñez, servicio fonoayuda.