1. Jajesareko ha ñañemongeta ko’ã mymbakuéra rehe
2. Ja’e mba’e mymbápa jahayhuve.
3. Ñamboherami ko’ã mymbakuéra
4. Ñañembosaraimi oñondivepa.
. Jajapo mokõi aty; peteĩ atýpe oĩta jaguakuéra ha ambuépe mbakajakuéra.
- Ñamoñe’ẽ he’íva ha jajapo.
- Jagua okañy okẽ kupépe.
- Mbarakaja iñakãsẽ ovetãme.
- Jagua ojetepyso.
- Mbarakaja omiãu.
- Jagua oñarõ.
- Mbarakaja oñemokunu’ũ.
- Jagua huguái rory.
5.Ñamoñe’ẽmíta
Míchi ha Túki
Míchi nikohína peteĩ mbarakajami hague ravijumíva ha hesa rovy asýva.
Pyhareve iro’y ha ojupi óga ári ojepe’évo kuarahy akúpe. Ijaturu ha ipirĩmba ohechárõ Túkipe térã ijypy rupi ohasa jave.
Túki niko jaguara’y ndejukypajepéva, huguái rory ha oñembojarusénte voi. Ojo’o oparupirei ojeporekávo so’okanguemi oisu’uva’erãre.
Ojojuhu jave Míchi ha Túki sarambikuépe oñomuña korapy tuichaha javeve. Ojuhúva tapépe pararãme oitypa ha oikóma guyryry.
6. Ñambohovái ko’ã porandukuéra
a) Mba’éicha héra moñe’ẽrã?
ã) Mávapa Míchi.
Ch) Mba’épa ojapo pyhareve.
d) Mba’érehepa oiméne ipirĩmba ohechárõ jaguápe.
e) Mba’e javépa ñande ñanepirĩ avei.
ẽ) Mba’épa ikatu ja’e Túkire.
8. Ñamongora ñe’ẽ he’íva mba’éichapa oñeñandu Míchi ohechávo jaguápe
. Ñembyasýpe
. Vy’ápe
. Kyhyjépe
. Pochýpe