Pa’i Melià hasy katu oikóvo, ange pyhare oikuaauka hikuái hasietéveha cuenta Twitter orden religiosa guive.
Heñóiva’ekue Porreras, Mallorca (España), ary 1932 jave. Oguahê Paraguáipe ary 1954 jave, pa’i jesuita, ha oiko Paraguáipe ha upéicha oipykúi hembiapo kuaandy ha avakuéra jeroviapýre upéicha guaraní ñe’ê rehe ojepytaso.
Kuimba’e arandu ha iñakuãva iñapytu’ûme ko’ã jeporekápe. Universidad de Estrasburgo (Francia) ome’ê chupe título Doctor en Ciencias Religiosas 1969 ary jave. Ha’e peteî investigador katupyry Centro de Estudios Paraguayos “Antonio Guasch” ha Instituto de Estudios Humanísticos y Filosóficos-pe.
Mborayhu orekóva ogueraháva ava guaraníme Paraguáie, Argentina, Bolivia ha Brasil gotyo oikundaha,péicha umi ava kainganges ha enawené-nawé ndive. Ary 1976, ombotovégui umi ojukáva Ache-Guayaki, oñemosê tetãgui ichupe.
Pa’i Bartomeu Meliá, Paraguái memby ojehayhu ha oñemomba’eguasúva hekovépe
Hetaiterei tembiapo ha omoherakuã lingüística guaraní, tembiasa tavaygua, Paraguay ha etnografía. Ko’ã aranduka heta jopói ohupyty ha heta ojeguerohory umi atyha rupi: Ojupyty heta jopói hembiapo rehe upéicha oipyhy Premio Nacional de Ciencia 2004, Premio Bartolomé de las Casas 2011, Condecoración “Orden Nacional al Mérito Comuneros” 2012 ary jave. Upéicha oime avei Academia Paraguaya de la Lengua Española ha Academia Paraguaya de la Historia.
Ha’e ningo peteî tapicha arandu ijohéipyréva hekovépe.
Ary 2005 jave oñeme’ê ichupe nacionalidad honoraria del Paraguay, Congreso Nacional rupive, ha ohupyty oguahëvo ary 2011 ciudadanía paraguaya.
Upéicha 14 jasypateî ohasávape oñme'ê jeguerohorýpe ichupe Cámara de Senadores peteî jopói umi aporte ome’êva rehe sociedad paraguaya ha latinoamericana-pe, odefendégui derechos lingüísticos y culturales, jekupyty jojápe,, tekojoja ha omoheñóigui pensamiento crítico temimbo'épe.