“Heta he’íva ko’ã mba’e rehe tekotevê peteî milagro ha ikatu péicha, pero ndaha’ei upéva rehe ojehejava’erã olucha ha oñembo’e upévarã,” omoañete. He’i péicha, oikuaávo ñande política, ko’ã ary ohóvape “rohechakuaa peteî mba’e: “Umi mba’e ojehúva kuimba’e político-kuéra ndorekóiva necesidad oity yvýre hapichápe ha umi adversario-pe, ichupekuéra omboguatava’erã proyecto porã. Péva peteî signo de debilidad anitei omoî iñe’ênandu, sino oiko oataka umi oponente-kuéra. Ndaha’éi ome’êva razón, sino omomba’eva’erã”, he’i.
Upéicha, monseñor Valenzuela oñeporandu: “Ko’ágã oguatarõ San Francisco avenida Costanera rehe ha oikundaha Parlamento ýrõ Palacio de Justicia ha oguahêvo Tupão peve, ¿mba’e ohecháta, térã mba’eichapa ojuhúta?”
Upéicha, ojerúre oîva presente oñembo’e San Roque Gonzalez de Santa Cruz-pe, santo paraguayo, ohupyty haguã Ñandejára rovasa ojoajúva ha oimeháme aniteî ñorãrõ oîve pe ñeko’õ osêva Congreso-pe.