Ojehero hikuái “ángeles de la guarda”, ha’ekuéra yvypóra oñeha’ãva ha ojapóva opa mba’e oïva ipópe oipytyvõ haguã umi camarada-pe. Omombe’u ABC -pe ko mitãrusu ojuhu oka gotyo pe aeronavegui pe tatarendy ha okapúva ohapejoko ha ndikatúi oguahê umi tapicha oïva avión siniestrado peve.
Teniente de Aviación de Pilotaje Amado Ariel González, teniente de Justicia Ismael Villasanti ha suboficial principal mecánico aviador Julio Ojeda ohecha hikuái martes asaje,ohendúro tyapu guasu peteïha, aeronave Cessna Fuerza Aérea ha pya’e oikuaauka tragedia oikóva. Ko’ã mbohapy kuimba’e oñandu ha pya’e omýiosalva haguã mitãrusúpe.
Oguahë raê González, ojuhúva mba’e vaiete oikóva ha ijyképe, namombyrýi mitãkaria’y Zaván Vaccari, oñeha’ã pya’e oipytyvõ haguã, ojerúre asistencia médica ha oñembogue haguã tatarendy.
“Ahecha peteî cuerpo a un metro o metro y medio aviõgui, apensa’ÿre, añemoaguî upe tekovére, ahechávo tuicháve chehegui, ajerúre pytyvõ. Upépe che ajagarra hetyma peteî, teniente Villasanti ambue hetyma ha oguahë Ojeda oñondive romoha’eño hete”, imandu’a González.
“Amo ipah{ape ore mbohapy rohupi ha ipohýi oréve. Ha’e (Zaván) oime estado de inconsciencia nomýi ningo oréve. Noñe’ei, ikuã nomomýiri, pero rohechakuaa, oikóveha... gueteri”, omombe’u Villasanti.
“Pya’ete roguenohê upégui tata ojeipyso”, he’i jey Villasanti ijerére tata ikóra sununúme, py’atytýipe roime latente ikatúgui okapu jey aeronave térã umi vehículo oïva estacionado okáiva upe jave avei.