ABC rehe, Nicanor he'i “fascismo criollo” reheguaha.

Péva nda'ipýi ha na'iñakãi, hetave mba'e ha'e ojapóvaicha, ojoko'ÿre ijuru. “Fascismo” heñõi va'ekue Peteîha Ñorairõ Guasu ko yvy ape ári ramo, ojupiva'ekue Italia saimbyhyha ramo 1923-pe, Benito Mussolini rupi. Oikuaamívape guarã, fascismo ndojeha'ái ambue mba'ére, ha katu Nicanor ndoikuaái péva. Fascismo tenonderã omohendaha peteî mburuvicha mbarete, ha'e he'ívante ojejapóva ha ha'endete gua'u oporonohêha mba'evaígui; avave nde'iva'erãi chupe ndaupéchai. Avei, ojeikuaa haguã mávapa omanda, umi mburuvicha oñembohéra tee, taha'e Führer (Hitler rangue), Duce (Mussolini, Caudillo (Franco), ha péicha. Nicanor oñembohéra Tendota, naiñambueséigui, oñembojoja haguã umíva rehe. Nicanor oha'ãnga peve umívape. Hese opytaporã he'íva.