Ojeipyso pyhareve jave Fiscalía de Delitos Económicos, omotenondévo 15 fiscales, centena de policía ha funcionario Hacienda ha Tributación, ombosako'íva operativo ojoajúva evasión de impuesto rehe.
Denuncia oñe'ê esquema omba'apóva omohenda haguã factura umi empresa ndaipóriva. Oñe'ê oiha 23 empresa oguahëva ojerévo amo UD$ 10.000.000 (G. 50.000 millones) rupi; umi allanamiento ojapova'ekue ombyatývo umi documento peritáje ha oevaluáva Ministerio Público rupive, omoañetévo denuncia ojapóva.
Oñeallana local comercial, estudios contables ha umi óga particular ojekuaáva: "Estudio Contable de Fredy Vespa", oïva calle Independencia Nacional haimete Ygatimi. "Oficina Contable Karina Ayala mba'e", oïva edificio Líder 3 calle Antequera ári; empresa “Escauriza Ortega y Asociados - Contadores Consultores”, oïva 22 de Septiembre, Azara ha Cerro Corá.
“OSM Carnicería”, oïva calle Londres ha Colón, propiedad Osmar Alejandro Estigarribia. Pe tenda "L'uomo", oïva Battilana 2063. Emprendimiento FAST. S.A (Pancholo's); oimehápe Aurelio Ramírez, oîva Capitán Pedro Baldivia haimte General Delgado. Oallana avei "Print Center Editorial Gráfica S.R.L".
La Imprenta "Visual Gráfica y Publicidad" Juan Horacio Orue Ayala mba'e, oïva Eliseo Osmar Estigarribia rógape, oimehápe Lázaro De Rivera 2030. Upéicha omopyenda Ramona Benítez Centurión de Vespa, oïva Testanova ári.
Péicha viceministra de Tributación, Martha González, he'i oiko rire allanamiento ojehecháva producción de documentos falso, factura falsa ombovúva ha ojeréva impuesto-gui, ambue evidencia avei. "Oreko hikuái umi característica ojojoguáva megaevación ary ohasava'ekuépe, ko'ágã clonación de facturas", he'i funcionaria, oñomongetávo 780 AM, ndive.