Mario Abdo Benítez oimekuri heta tembiapópe ha opyu'u hógape ko'ã árape ogana rire elecciones generales domingo ára ohasávape.
Senador Arnoldo Wiens omomarandu ko pyharépe Abdo Benítez omoñe'ê hague heta vy'apavê oúva tetã ambuégui ha avei umi ñande ykéreguagui ha'éva Brasil, Estados Unidos, Uruguay, Bolivia, Ecuador ha España, ambue tetã avei. Oikuaaukáma avei equipo de transición oguahëva ha oikéva Gobierno Horacio Cartes rendaguépe oikuaa haguã mba'éichapa oime Estado ko'ã árape. Oñeporandúvo ichupe máva ha máva oikéta gabinete pyahúpe, Wiens he'i ndorekói gueteri hikuái, pe oikuaaáva senador Luis Castiglioni oikétaha Cancillería-pe. Ha umi lista oñembohasáva ndaha'éiha. "Desmiento categóricamente", he'i karai Arnoldo Wiens.