Itape ha'e peteî táva oîva Guairápe, ysyry Tebicuarymí ykére, ha upépe oî Tupâsy del Paso, hi ára guahêva hína ágâ Jasypakôi 18. Upévare, oñepyrúma kuehe guive upe ñembo'e novenario, ha oîma tapicha peregrino oguâhêva upépeve ohepyme'ê haguâ chupe umi mba'e porâ ohupytyka haguére chupe kuéra térâ katu ojeruremi haguâ Tupâsyme ome'ê haguâ imembýkuérape tesáî ha tembiapo.
Opavave ára ohasávape oîta misa.
Ha ágâ upe 18 oikóta procesión náutica ysyry Tebicuarýre, aravo 16 jave. upéi aravo 17 guive oîta ñemombe'u (confesión); a 18 aravo jave oñepyrûta ñembo'e guasu (santa misa), omyakâtava monseñor Adalberto Marínez Flores, ha oñemoñe'êta pa'i Félix Andrés Giménez Fines.