1- Emañamína ko ta’angáre ha eñomongeta rehechávare ne irũnguéra ha mbo’ehára ndive.
2- Embohovaimína ko’ã ñeporandu.
Mba’emba’épa rehecha.
Mba’épa reñandu rehechávo ko ta’anga.
Rehónepa reiko upépe. Mba’érepa.
3- Emoñe’ẽmína.
Nora oho ña katalina rógape
Roho ña Kata rógape mbohupáramo che sy, che ru ha che kyvy ndive.
Roguahẽvo hógape, tuicha ore pytuhẽ. Pehecháramo mba’éichapa iporã ña Kata korapy hi’ãta peẽme pe pyta upépe arahaku jave peikuaa hag̃ua piro’y.
Hóga kuláta jovái oĩ ag̃ui ysyrýgui. Tuicha hogaguy, ko’ápe oĩ kyha, mesa guasu ha tembiporu renda. Péa pe ogaguýpe ojekaru, ojepurahéi, oñeñembo’e, oiko avei ñembosarái.
Oremog̃uahẽ, oremboguapy raẽ mango ojeréva hógare guýpe. Oguerúma katu oréve y roỹsa porã. Ejokomi pe kagua he’i cheve, ha apyta che rovayva. Ndaikuái mba’épa ajapóta. Omoĩvo che pope vaso he’i, ko mba’eyru héra «kagua» guaraníme.
Roho romaña korapýpe, yvyrakuéra, mymba opáichagua, mokõi jagua’i akãhata heta orembopuka. Karai Seve, ña Kata ména omoingéma tatakuápe ryguasu ka’ẽrã.
Oñemoĩtavo mesa ojekaru hag̃ua. Hetaiténtema rovy’a upe árape.
Teresa González de Benítez ohaiva’ekue.
Aranduka ojepurúva: GUASCH, A. ha ORTIZ, D. 1993. Diccionario Castellano-Guaraní, Guarani-Castellano. Novena Edición. CEPAG, Asunción, Paraguay.