Leõ ha ka’i (moambuepyre)
Oho peteĩ leõ cantina-pe oñemu hag̃ua, oĩ upepehína peteĩ ka’i. Oñeporandu leõpe mba’epa ho’uta, ha leõ he’i: Che ha’úta coca’i. Ohendúvo péva ka’i tuichaiterei oñemondýi, omokõ hendy, oryrýipa ha kyhyjepópe oñany pya’eterei ha okañy upégui.
Kambuchi morotî (moambuepyre)
Kachíke osẽsapy’a ka’aguýgui ha ojuhu peteĩ táva tuichaitereíva, hetaitereihápe kuimba’e ha kuña, hekoambuéva chugui. Oguataguatávo upérupi ipopa’ãma hese mokõi parapara’i, he’íva chupe: ¡Libreta de baja! Kachíke he’i chupekuéra: Ndarekói.
Todos los beneficios, en un solo lugar Descubrí donde te conviene comprar hoy
Upe pyhareve, upéguintema ojeraháma chupe cuartelpe. Og̃uahẽvo upépe, peteĩ huvicha ohenóima chupe: Soldado, eju ko’ápe ha eitykua chéve terere.
Ohendúvo upéva, Soldado Kachíke oma’ẽ ápe ha pépe, ha ndohecháigui ykua, oporandu huvichápe: Moõpa oĩ y, mi coandante.
Huvicha ohechaukávo peteĩ koty, ombohovái chupe: Amo rejuhúta, che ra’y. Kachíke oho, omaña ápe ha pépe, ha ojuhúsapy’a peteĩ kambuchi morotĩ. Kachíke vy’apópe he’i ijupe: Kóva ha’e ha oñepyrũmakatu omboterere huvichápe.
Peichaháguinte opa y Kachíkegui ha oho omombe’u huvichápe ha he’i chupe: Mi coandánte, opáma y ñane kambuchi morotĩme. Huvicha osẽ he’i chupe: Mba’éicha ñane kambuchi morotĩ katu piko, che ra’y. Kachíke ojere ha ohechauka huvichápe aipo kambuchi morotĩ.
Ohechávo huvicha mba’épa aipo kambuchi morotĩ, ipy’ajerepa ha he’i Kachíkepe: Nde tavýcho, kóva niko ndaha’ei kambuchi, kóva niko ojejapoha pe mba’e jaikuaáva kotyjahuhápe.
